Компанияны жетістікке жеткізетін – адамдар !

Холдингте бес мыңнан астам қызметкер жұмыс істейді, олардың әрқайсы компанияның дамуы мен табысты болуына өз үлесін қосуда.

Біз кәсіби өсу үшін барлық жағдайды жасаймыз, қызметкерлеріміздің әлеуетін ашуға және дамытуға ұмтыламыз.

26 жыл

нарықта

<20

холдингте кәсіпорын бар

5000

қызметкер бар

Мәнсаптық өсу, оқыту және дамыту

Мәнсаптық өсу, оқыту және дамыту

  • Біз қызметкерлердің мансаптық өсуіне үлкен көңіл бөлеміз және кәсіби дағдыларын жүзеге асыруына көмектесеміз.
  • Қызметкерлерімізді компания ішінде оқытамыз. Мамандар мен менеджерлердің білік деңгейін арттырамыз. Мамандарымыздың өсіп, дамуы үшін компания есебінен білім беруге де қолдау білдіреміз.
  • Холдингтегі мәнсап – кәсіби өсуді қалайтын әрбір адам үшін нағыз мүмкіндік!


KazFoodProducts компаниясында жұмыс істеу

KazFoodProducts компаниясында жұмыс істеу

Біз сізді командамызда көруге қуаныштымыз!

Біз әрқашан білікті мамандарды іздейміз.

Холдинг құрамына еліміздің азық-түлік және агроөнеркәсіп кешендерін дамытуға бағытталған 20 кәсіпорын кіреді.

Табысты мәнсап мысалдары

 Нуртазаева Айжан Султанқызы
Нуртазаева Айжан Султанқызы Eastern Express" ЖШС логисті
Ең бастысы, тынбай еңбек етіп, өз ісіңіздің кәсіби маманы болыңыз, сонда табысты боласыз.

Мен компанияға 2021 жылы логист болып орналастым. Маман ретінде маған деген құрметті жұмысты бастағаннан-ақ байқадым. Басшылықтың қызметкерлерді тыңдауға, диалогқа ашықтығы ұнайды. Біздің компания жас болса да қарқынды дамып келеді, бұл да қуантады. Компаниямыздың жекеменшігінде жылжымалы құрамдар паркі бар және уақыт өткен сайын қуатымыз артып келеді.

Синицкий Евгений Борисович
Синицкий Евгений Борисович «BioOperations» ЖШС-нің өндіріс директоры
Жұмыста ісіңізді міндетті түрде ұнатуыңыз керек, әйтпесе ештеңе шықпайды 

Еңбек жолым 2007 жылы Петропавл қаласындағы институтты бітіргеннен кейін басталды. Компаниядағы қызметім қызық әрі қиын болды: біз өндірісті қалпына келтіріп, жаңа желілерді іске қостық. Шетелдік мамандармен әріптестікте, 24/7 режимінде жұмыс істейміз.

Біздің компанияда мәнсаптық өсу бар, мамандарды бағалаймыз. Дипломда немесе түйіндемеде не жазылғаны соншалық маңызды емес – адамның өндірістегі жұмыста өзін қалай көрсететіні маңызды. Білігін дәлелдейтін еңбегі мен үлесі міндетті түрде бағаланады.

Дикарева Дарья Владимировна
Дикарева Дарья Владимировна "Баян сұлу" АҚ кондитерлік фабрикасының №1 піспенан цехының лаборанты.
2014 жылдың аяғында мен зауытта өндірістік тәжірибеден өтіп жатқан едім, сол кезде осында қалып, мәнсабымды жалғастырамын деп шештім.

"Баян сұлуда" мәнсаптық өсу бар. Өзімнің технология бойынша білімімді тәжірибеде қолдана алдым. Командалық рух пен отбасылық қолдау маған табысқа жетуге көмектеседі.

Шаповалова Светлана Николаевна
Шаповалова Светлана Николаевна «Баян сұлу» АҚ-ның өндіріс инженері
Жұмыс өзің үшін қызық болуы керек. Маған біздің команда ұнайды, барлығы мейірімді және бір-біріне көмектеседі..

Мен зауытта 2000 жылдан бері жұмыс істеймін. 2000 жылы шоколад дүкенінің орау бөліміне қабылдандым, кейін таро цехында, піспенан цехында жұмыс істедім. 2008 жылы №1 бисквит цехына шебердің көмекшісі болып ауыстым, 2017 жылы өндіріс бөліміне өндіріс басшысы болып өстім. Ал 2019 жылдан бері осы бөлімде өндіріс инженері болып жұмыс істеймін.

Мен жоспарлауды, келіссөздер жүргізуді, қажеттіліктерді анықтауды ұнатамын. Тәжірибе жинауды, кәсіби көкжиегімді кеңейтетін нәрселерді үйренгенді, біздің компанияға пайда әкелуді ұнатамын. Мәнсаптық өсуді кез-келген жұмыс беруші ұсына бермейді, бірақ "Баян Сұлу" компаниясында мұндай тәжірибе көп.

Слепцов Владимир Ильич
Слепцов Владимир Ильич "Баян сұлу" АҚ қазандық цехының аға инженері
Менің жұмысым қызықты және көпфункциялы. Бізге жаңадан келген мамандарға жұмыстың қыр-сырын үйреткенді ұнатамын 

"Баян сұлуға" 1993 жылы 25 қаңтарда орналасқанмын. Жүк тиеуші, кейін жүк көлігінің жүргізушісі, бригадир болып жұмыс істедім, содан кейін қазандық цехында жұмыс істеу үшін курстар оқыдым. Қазір жылу қазандықтарының аға машинисі болып істеймін. 

Зейнетке осы кәсіпорыннан шыққым келеді. Демалыста және бос уақытымда балық аулауды жақсы көремін.

Косова Лариса Викторовна
Косова Лариса Викторовна EMC Agro" ЖШС директорының өндіріс жөніндегі орынбасары
Таңертең жұмысқа қуана барамын, ал кешке үйге қайтып келе жатып, келесі күннің жұмыс жоспарын ойластырамын.

Еңбек жолым 2008 жылы ескі ет комбинатында бригадирліктен басталды. 2010 жылы біз ірі ет комбинаты болдық, қазір сол жерде өндіріс жөніндегі директордың орынбасары ретінде жұмысым жалғасуда. Осы уақыт ішінде мен цехтардың бригадирінен бастап бастығы лауазымына дейін өстім. Мәнсаптық өсуге қол жеткіздім. Өзімді өз орнымдамын деп ойлаймын, өйткені мен жұмысымның бар қыр-сырын түсінемін: бұл менің жұмысым, менің орным.

Қашан да үйренетін, зерттейтін нәрсе көп. Жасыма қарамастан мен әлі де оқып жатырмын. Күш-қуатым жеткенше оқып-үйрене беретін боламын.

Жоспарымыз – сапасы жоғары өнім көлемін арттыру. Кәсіпорынымызды Қазақстандағы №1 орынға шығару.

Мамбетов Қуаныш Сағындықұлы
Мамбетов Қуаныш Сағындықұлы «Тамыз-Инвест» ЖШС жабдықтау бөлімінің бастығы
Біздің компанияда мамандардың құзыреттері объективті бағаланады.

Мен "Тамыз-Инвест" ЖШС-інде 2019 жылдың мамыр айынан бері, алғашқы егіс науқанынан бастап жұмыс істеймін.

Алғашында сатып алу және қамтамасыз ету бойынша жалғыз менеджер болып жұмыс істедім, компанияның жұмыс көлемі ұлғаюына байланысты 2021 жылдың мамыр айынан бастап сатып алу бөлімі ұйымдастырылды, сөйтіп тағы үш менеджерге арттық.

Кәсіпорынымыздың өңірдегі тамақ өнеркәсібін дамытып жатқанын мақтан тұтамыз және одан әрі аянбай еңбек етуге талпынамыз.

Компанияның дамуы мен өзімді дамыту игілігі үшін одан әрі жұмыс істегім келеді.

Тұрдақын Қуаныш Нұрбейбітұлы
Тұрдақын Қуаныш Нұрбейбітұлы Көктал-Агро" ЖШС директорының орынбасары
Аға әріптестерден үйреніңіз, шыдамды болыңыз және ортақ тіл табыңыз 

"Көктал-Агро" компаниясына 2018 жылдың 28 ақпанында жұмысқа кірдім, жай ғана хабарландыру арқылы жұмысқа орналастым. Ең алдымен, жұмыста маңыздысы – мәселені шешуде табандылық пен шыдамдылық таныту.

Мен үшін ең бастысы – өз саламда сұранысқа ие маман және бизнеске табыс әкелетін және оны алға жылжытатын команданың бір бөлігі болу.

Байланыс