Бүгінде зауыт жыл сайын 85 мың тоннаға дейін өнім шығарады. Ассортименттің әралуандығы 300-ден астам тауарды қамтиды, оның ішінде вафли, зефир, мармелад, ирис, карамель және т.б. бар. «Кондитерлік астана» жаңа кешені жылына қосымша 13 мың тонна өнім шығаруға мүмкіндік беріп, 260 жаңа жұмыс орны ашылады.
Олжас Бектенов отандық брендтерді шетелде, оның ішінде цифрлық шешімдер арқылы ілгерілетуді күшейту қажеттігін атап өтті. Қазіргі уақытта «Баян Сұлу» өнімдері ТМД мен Еуропаның нарықтарына экспортталады.
Жаңалықтар 
"Баян Сұлу" фабрикасы құны 14 млрд теңге болатын жаңа өндірісті іске қосады
ҚР Премьер-министрі Қостанай өңіріне жұмыс сапары аясында «Баян Сұлу» фабрикасына барып, өнеркәсіптің әлеуетімен танысты. Олжас Бектенов фабриканың өндірістік қуатын, заманауи технологияларды енгізуі тәжірибесін және отандық өнеркәсіптің дамуына қосқан үлесін жоғары бағалады. Сондай-ақ, 50 жылдық тарихы бар ірі кондитерлік ұлттық өндірушінің ел экономикасының өсу драйверлерінің бірі ретінде маңызын атап өтті.
