Семинардың мақсаты – бизнес өкілдері мен білім беру ұйымдарының оқытушыларының ортақ кездесуін ұйымдастыру, осы мамандарды тәлімгерлікке үйрету. Алдағы уақытта тараптар дуальды білім беру бағдарламасы аясында ынтымақтастық орнату мәселелерін қарастырмақ. Семинар соңында қатысушыларға Тәлімгерлік мектебінде оқығандарын растайтын сертификаттар табыс етілді. Айта кету керек, дуальды білім беру бағдарламасы экономиканың нақты секторы үшін де, персоналдың біліктілігіне де оң серпін бермек. Яғни, халықаралық сапа стандарттарына бағытталған бизнестің қатысуымен мамандарды даярлаудың перспективалы бағыты болып отыр.
Жаңалықтар 
«АзияАгроФуд»-та тәлімгерлерді дайындау бойынша семинар өтті
«АзияАгроФуд» АҚ бөлімшелерінің басшылары кәсіпорындарға маман тәлімгерлерді дайындау бойынша семинар – тренингке қатысты. Семинарға Алматы қаласындағы жоғары оқу орындары мен колледждердің оқытушылары да қатысты. Шараны Қазақстанның азық-түлік кәсіпорындары одағы мен Алматы қаласы Кәсіпкерлер палатасы ұйымдастырды.