BioOperations

«BioOperations» ЖШС биоэтанол өндірумен және бидайды терең өңдеумен айналысатын Қазақстан Республикасындағы жалғыз кәсіпорын. Зауыт Солтүстік Қазақстан облысының Тайынша қаласында орналасқан және аймақтағы ең ірі кәсіпорын.

• Кәсіпорын еуропалық өндіріс құрал-жабдықтарымен жарақталған, осының арқасында жоғары сапалы өнім шығарылады.
• Бидай дәнін өңдеу қуаты жылына 200 мың тонна астық.
• Жабық өндірістік цикл өнімнің сапасын барлық кезеңде – шикізатты қабылдаудан бастап, ылғалдық пен ауа температурасын бақылауға арналған жабдықпен жарақталған өз қоймасында орау және дайын өнімді сақтау кезеңіне дейін бақылауға мүмкіндік береді. Кәсіпорын өнімінің түрлері: биоэтанол, бидай крахмалы, бидай глютені, DDGS жемі, көмірқышқыл диоксиді.

Өнімдер экспорты

Зауыттың басты артықшылығы – еліміздің астықты өңірінде орналасқандығы және шикізат базасының болуы. Меншік кірме жолдарының болуы шикізатты қабылдауға және дайын өнімді автомобиль және теміржол көлігімен оңтайлы мерзімде жөнелтуге мүмкіндік береді. Сонымен қатар Қара, Жерорта және Балтық теңіздерінің порттарымен және негізгі кеме желілерімен жақсы байланыс орнатылғандықтан, өнімдерді әлемнің барлық дерлік елдеріне экспорттауға мүмкіндік бар. Сондай-ақ кәсіпорынның Шығыс Азия нарығына шығуындағы логистикалық артықшылықтарының бірі – Қытай порттарына логистикалық қолжетімділіктің бар болуы.

Дәнмаңыз бен крахмал экспортталатын негізгі елдер Түркия, Үндістан, АҚШ, Колумбия, Норвегия, Малайзия, Тайван, сонымен қатар ТМД және Еуропалық Одақ елдері. Биоэтанол Еуропалық Одақ елдеріне экспортталады.

«BioOperations» ЖШС өнімдері FSSC 22000 Bureau Veritas, ISCC Europe (Waste Starch Slurry), FDA Certification USA, Halal & Kosher халықаралық стандарттарына сай сертификатталған.